หมู่เฮาจาวเหนือ

หมู่เฮาจาวเหนือ

(สร้อย)  หมู่เฮาหมู่เฮาจาวเหนือ เฮาต่างฮักเครือ  เจื้อจ๊าดหมู่เฮา ถึงจะอยู่ดินแดนแคว้นใด (ซ้ำ) เฮาฮักกั๋น เฮาหันใจ๋  เฮาฮู้ใจ๋ในหมู่เฮา

จากปิงวัง  ทั้งยมและน่านห่างกัน  แต่ใจนั้นแน่นแฟ้นในหมู่เฮา อู้กำเมืองฮู้เรื่องฟังม่วน  ฮ้องเอิ้นเจินจวน  ล้วนมีใจฮ่วมหมู่เฮา  แอ๋วหาจ๋าเติงเปิ้งปา  กุ๊นเกยเจยหน้าหาสู่หมู่เฮา (สร้อย)

ฮ่วมทำบุญ สุนตานกู้บ้านงานปอย  ฮ่วมฮีตฮอยฮักษาในหมู่เฮา ประเพณีทุกปี๋ดีเด่นวัดวาร่มเย็น  ถือเป็นตี้เปิ้งหมู่เฮา  บ้านเมืองของเฮางามดีถือเป็นเมืองตี้ฮักของหมู่เฮา  (สร้อย)

ลูกจาวเหนือ  เจื้อจ๊าดข้าวนึ่งแน่นเหนียว  ต่างกลมเกลียวกันไว้ในหมู่เฮา หื้อคนชมนิยมลือเลื่อง  สมเป็นคนเมือง  ฮักเมืองฮักเกียรติหมู่เฮา   แจ่มใสน้ำใจไมตรี  เหมือนน้องเหมือนปี้นี่แหล่ะหมู่เฮา (สร้อย)